Sjå ein liten videosnutt (5Mb) frå "just antother day in my office" - sommaren 2009 : video

Møt Humørbonden i videoopptak frå BTV - våren 2009

Visjonen
Humørbonden Geir Styve har ein klar visjon: "Eg vil gje folk refleksjonar!" Gjennom verktøya humor, fantasi, galskap og mot ynskjer han å skape glede, glød og begeistring. Sjå sida med fyldige omtalar.

Heile landet som arbeidsplass
Geir reiser rundt det ganske land med sine foredrag. Han er ein vesentleg del av LivsVerkene , med sekretariat i fristaten Lucky Næroset. Dette er ein initiativbasert oppmuntrings- og utviklingsallianse som Humørbonden var med å starte. I samarbeidet har Livsverkene utvikla eigne, nasjonale konsept for å få folk til å virke saman, samstundes og i same retning. Livsverkene har i fellesskap vidareutvikla Geir sitt varemerke Oppmuntringstilsynet

Foredrag / kurs / prosess
Foredraga er ikkje "stand up", men innehar seriøse bodskap om å tenkje på nye måtar, og starte arbeidet med å gjere draumar til røyndom. Humørbonden er oppteken av å kverke Bygdedyra, fordi dei tek motet frå folk. Humørbonden vil heller setje mot i folk, med andre ord oppmuntre dei. Difor arbeider han mykje med Oppmuntringssaka i Noreg.

Det er ikkje utan grunn at Humørbonden ofte vert brukt i etablerarsamlingar, bygdemobliseringar og kulturarrangement. Sjå her for å finne forslag til tema.

Bodskapen

Bodskapen er i vid forstand at vi kan ikkje få til ei positiv utvikling hverken lokalt eller globalt utan at vi er fredselskande, empatiske og kreative. I tillegg meiner Humørbonden at slentring er alt for lite påakta som kjelde til rekreasjon og inspirasjon

Produktark
Det er utarbeidd ei rekkje produktark som presenterer hovudinnhaldet i kvart fordrag/kurs. Her er det som for skreddarsaum og individuell tilpassing!

No også som forfattar!
Humørbonden har gjeve ut bøkene "Båten blir til mens du ror", og "Beina på bordet". Desse kan du bestille ved å sende e-post, dei vert tilsendt etter kort tid, vedlagt faktura.

	Her får du eit innblikk i løysingar og metodar som du kan tilpasse til eigen situasjon som etablerar eller næringsdrivande. Dette er ei tankebok, ei trøystebok, ei inspirasjonsbok. Ei annleis "managementbok", kort sagt 189 sider, kr 290.- fritt tilsendt
	NY ! Boka er ei kåserisamling, til eigen refleksjon og idéutvikling. Den vert levert med Copyright - du har retten til å kopiere. Bruk den gjerne også som innleiing til debattar i ulike fora 121 sider. Kr 230.- fritt tilsendt
	UNDER ARBEID. Det foregår eit forskingsarbeid på Norsk Humørbondologisk Institutt omkring Bygdedyr. Her går vi nærare inn artslære, adferd og mulige kverkingsteknikkar. Resultata vert presentert i denne boka. Utgjevingsdato er ikkje fastesett.

Bokmelding i Vestlandsk Landbruk nr 4 - 2006

"Båten blir til mens du ror". Dette er ei bok med mange gode råd for den som vil starte si eiga verksemd, men også ei bok om å ha mot til å gjere det du har tru og lyst til.
Det er Humørbonden Geir Styve som har laga si eiga kokebok for etablerarar. Her kan du hente inspirasjon, men du blir også åtvara mot ulike "vesen" som ikkje likar at folk med idear går igang med forretningsverksemd sånn heilt utan vidare.

Du får praktiske tips, og Styve delar uhemma sine eigne tabbar med lesaren, med ein god porsjon humor. Sjølv med all verdas gode planar og marknadsføring, er det ikkje sikkert at nokon der ute vil betale for dei gode ideane dine. Då kan det vere greit å prøve noko anna, la vegen bli til mens ein går, eller våge å la båten bli til medan ein ror, som Geir Styve kallar tankane sine om tru og tvil i små bedrifter.
Boka kom ut på eige forlag i 2005. På nettstaden www.humorbonden.no kan du finne råd og trøyst for etablerarar, og sikkert også tinge eit eksemplar av boka.

Krisebestilling av bok!

Denne tikka inn på mailen nyleg: Eg var så heldig å få boka di til bursdagen, like før jul. Men så kom altså julekvelden litt overraskande på meg og eg såg inga annan utvei enn å gje boka vidare til sjefen som julepresang, og det før eg hadde komme i gang med lesinga for alvor. No har givaren meldt eit besøk i næraste framtid, og eg treng altså å lesa meg opp litt for å skjula denne skandalen. Kunne du senda meg ei ny bok, snarast!